18 наурызда мектептің өзін-өзі басқару мүшелері 1-4 сынып оқушыларымен көктемгі демалыс кезінде қауіпсіз мінез-құлық бойынша түсіндірме әңгіме өткізді. Әңгіме барысында әртүрлі жағдайларда: үйде, көшеде, көлікте және қоғамдық орындарда сақталуы қажет негізгі қауіпсіздік ережелеріне ерекше назар аударылды. Балаларға бейтаныс адамдармен қарым-қатынас кезінде сақтықтың маңыздылығы, жол қозғалысы Ережелері және тұрмыстық техниканы пайдалану кезіндегі сақтық шаралары туралы еске салынды. Соңында әр оқушыға "Қауіпсіздік еліне есік" атты жадынама берілді. Бұл жадынамада балаларға демалысты көңілді ғана емес, қауіпсіз өткізуге көмектесетін негізгі ережелер мен ұсыныстардың қысқаша мазмұны бар.